زكريَات P=

السّلام عليكم =)

.
.

قبل ما أحط سكيتشات اليُوم الثاني حبّيت أسولف شوي عن بداياتي في الرّسم ! خصوصاً إني اليُوم فاتحة المَوضوع مع الوالد الله يحفظه

لأن دايم داايم يُوم أرسم رسمة و أوريها أمّي أو أبوي يسألوني : الحين يوم رسمتيها وش استفدتي يعني ؟ =|

أوكي طيب أسألوا هالسؤال عل كيفكم بس امدحوا شوي ! لازم أعيد السؤال : حلوة و إلا لأ ؟

و ماتطلع حلوة إلا و بعدها نفس السّؤال ! و اليوم بديت أشرح لهم نظريتي و إنّ السبب في كوني أحب الرسم و أرسم هم انتوا !! ايه نعم

انتوا مامي و بابي !! و لا تسوون أنفسكم بريئين <_< كاشفينكم كلنا <~ كلنا تعود علينا نحن أبناؤكم خخخ

.

.

القصّة بالتفصيل ، يوم كنت صغيرة و بحكم إنّي اول العنقود و كلّش شادين حيلهم في تربيتي و تهجيدي بأقصى درجَة ممكنة

فـ كانت الصالة هي ملجئي في البيت كلّه , تلفزيون خاص فيني و فيديو و أشرطة في دولاب كامل ! أتوقع وقتها ماكان فيه مسلسل إلا و هو عندي و كل الأجزاء

و أذكر وقتها الوالد الله يحفظه ، كان كل ماطفشت يجيب دفتر و قلم و يرسم لي حمامة ! مدري هالحمامة مشهورة

على مدى السعودية و العالم وإلا احتكار خاص فينا خخخ ، كانت الرسمة تبدأ برقم 54 بالعربي ، فكان يجي يرسمها لي

و اول ما يقوله : نكتب رقم 54 بعدين ….. الخ

.

.

نموذجي المبسّط ض1 كود تعلمونها بزارينكم لربما تطلع عندهم موهبة ض1

.

متصورين الوضع ؟ كل يوم نرسم هالرسمة ! أنا و امي و أبوي و أختي و عيال عمي خخخخخخ كلنا ماأذكر يمر يوم من غير ماتنرسم هالرسمة

و رقم 54 شايفينه ؟ بداية المنقار و العين =) ياااااه ذكريات منجد

.

.
.

السّبب الثاني هو أميمتي ، صح إنّها كانت تساند الوالد في العصفور بس أتوقع كانت هي السبب في حبي لرسم شخصيات بعيداً عن العصافير خخخ

مرة من المراير أيام الابتدائي / أتوقع أولى او ثانية ، الإجازة الصيفية و الوالد عنده عمل في الصبح ، فنام بدري و أختي مدري عنها وينها

أنا و أمي لحالنا ، قلت لها إني طفشانة ، فكرت و فكرت ، كان تقولي روحي جيبي ورقة و قلم و ألوان

قلت لها : ليش ؟ <~ على بالها بترسم لها عصفور خخخ

قالت : برسم لك عريس و عروسة

ماتتوقعون قد ايش انبسطت من الاقتراح ، قمت جري و جبت لها اللي قالته و بدأت ترسم لي ، العروسة بعدين العريس

العروسة ماسكة الورد و لابسة تاج و عليه ورود ، و العريس لابس بشت و شماغ

حتى كأني أذكر إنها سمتهم لي ، ليلى و نسيت اسم العريس =$

و هذي صورة تبسيطية لـ اللي تذكره منها خخخخ

.

.

و الحين بعد ماصرت أرسم زيهم صاروا يقولولي : وش استفدتي !؟ همّاكم معلميني وش تبوني اطلع من بعدكم حبايبي ؟

غير كذا فيه شائعة مطلعتها يوم إني صغيرة و قعدت أخرط على خلق الله البزارين اللي كنت أترأسهم <~ يوم كانت بزرة كانت رئيسة البزران <_< كح كح

المهم أبوي رسم لي قريندايزر ، و ماشاء الله أبوي رسيييم أتوقع ماخذه منه الموهبة ، فلأن أول مرة أحد يرسم لي شي كرتوني

قلت إن أبوي أصلاً هو اللي مخترع قريندايزر خخخخخخخخخ المشكلة أبوي بريء مما أقول كلش ألفته من راصي خخخ

و إلا و أقنع البزران غصب طيب لازم يعترفون بهالشي ، و اعترفوا آخرتها ، بس يوم أفكر فيها الحين أتوقع إنهم يسلكون لي لا أسطرهم خخخخ

.

.

السكيتشات جاهزة بس باقي أصورها ، أفكر احطها اليوم و إلا مع دفعة بكرة <~ الكسل ياكافي

<_<“

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s