بانزاااااااااي !!! (الحمدلله *بصوت عالي* بالعربي) XD

السّلام عليكم و رحمة الله و بركاته

.

.

1- بانزاااااي الأولى ق1ق1

اليُوم آخر يُوم لي عند الدكتورة المصريّة الغثيثة ! و آخر مغذيَة حديد إن شاء الله >بانزااااااي< بقوووة

من يُوم رجعت من المستشفى و ماغير أطالع في يديني و أطبطب عليها من كثر الإبر اللي شافتها خلال هالثلاث أسابيع

و على قولة أمي أجر و عافية إن شاء الله

و المصرية تقولي تعالي بعد أسبوعين نسويلك تحليل دم من جديد نشوف وش تحتاجين >_>”

أبد قمت عليها و قلت لها لو جيتكم بعد أسبوعين دمي ذا اللي حطيتوه بتخلصونه مرة ثانية , ماراح أجي لو اييش

و حاوَلَت منا منّاااك بس لا أمل , فغيرت الموعد لـ بعد 3 شهور إن ربي أحيانا

عموماً خرجت من عندها و أنا حالفة إني ماأرجع , أمي متوعدتني بس إن شاء الله لو ماصار لي شي

مانيب طابه عندها هي و البلطقية اللي معها <_<” عاد تدرون وحدة من القووة دخلت الإبرة و طلعتها من الجهة الثانية <_<”

ياذاك اليُوم بغيت أنتحر بس الحمدلله تداركت الوضع و ماجابولي نفس المصرية اليوم XDD

و نصيحة أخوية , كلو أكل صحّي و التمر و العسل واظبوا عليها و إلا آخرتها مغذيات حديد كفا الله الشر <_<”

.

.

.

2- البانزاي الثانيَة ق1ق1

إنّي أول مرة في حياتي أسوي لأحد نقش حنّاااا !

بما إنّي اكره الحناا ! أكره ريحتها !! مُستحيل احطها في يدي فذا إنجاز عظيم خخخخخ

بكرة إن شاء الله زواج بنت خالي الجميلة , و العرس بيسوونه بمكان بعيد فاهلي بيطلعون من بدري

و أنا ما بروح معهم لأن لازم أحد يجلس بالبيت مع الوالد و طبعاً من غير كلام طبيت عليهم و قلت لهم أنا بجلس بالبيت <~ تكره العزايم مثل ماتعرفون

المهم أمي مالحقت الحرمة اللي تنقش لبنات خالي و شكلها متحسفة , قمت فزعت و قلت لها توكلي على الله و هاتي يدك خخخ

في البداية ترددت كثير , و حسيتها ما ودها تخاطر <_< بس صملت و حنيت على راصها <~ من الزهق بتجرب أي شي XDD

و الحمدلله وافقت و سوت الحنا و سويت ذاك الشي اللي يسوونه القمع من كيس , و توكلنا على الله

.

هنا العوايز اللي تحتاجونها XDD لو طرى عليهكم يعني  XDD

.

.

أصعب مشكلة واجهتني إني سويت القمع مرة كبير !!! فصرت أركزه على رقبتي تخيلوا !!!

و صاروا يتريقون علي يقولون شف تقل شايلة بازوكة و إلا RPG <_<” و كانت الفتحة صغيرة لدرجة الخطوط مرة رفيعة

و صارت مناوشات و مناقشات بيني و بين أمي لين كبرتها غصبن عني <_<”

.

و بعدها بدينا الشغل و جبت السكيتش بوك اللي رسمت فيه الشكل اللي برسمه بيدها

و جلسنا ساعتين كاملتين نسوي فيه O_O” أنا انصدمت من الوقت =( !!!

بس الحمدلله النتيجة طلعت طيبة و كويسة XDD أمي تقول بخليك تحنيني في العيد أشرت لها إنه توووبة آخر مرة في الحياة XDD

الريحة أفقدتني حاسة الشم  لي ساعة ما أشم الأكل اللي آكله XZ

+ قلت لها أبداًلا تعلمين أحد إني أنا اللي سويتها <_<” أخاف يضحكون علي و إلا ألقى طوابير قدام البيت يحتروني ×_×” <~ ياشين الثقة ياعالم XD

المهم , كانت تجربة ممتعة منجد !!! لو طفشانين جربوا شي ماعمركم سويتوه و شوفوا وش بتكون التيجة XD

لو امي ترضى كان صورت النتيجة XDDD

+ في نهاية المطاف تنحت شوي و قلبتها براصي ! آخرتها يافيافي تصيرين نقاشة XDDD أمي تقول بتعطيني خمسين XDDD

موووش بطّااال XDDD خمسين و فوقها دعاوي مستجابة إن شاء الله و كم بوسة XDD

.

تبون نقش !! …. حواجب1 XDDD

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s