تدوينة و السّلام

https://i1.wp.com/img375.imageshack.us/img375/1046/004pz.png

السّلامُ عليكم و رحمَة الله و بركاته
يُووه يالغبَار !
.

.
كُل عام و أنتم بكل خير يارب – بعد الزحمَة :P
.
للأسف مبيّن إنّ الدراسة لعبت فيني لعب !
من بعد إجازة الحج وقفت كل نشاطاتي تقريباً خخخ
اللهم إنّي أمسك بالدس كم دراما و كم مانقا !
.
صرت أحسّني مكبُوتة :/ ماأسوي شي غير التفكير بالمذاكرة و الواجبات
و البحوث اللي تستناني ! المُشكلة مو أول مرة أقابل هالكم من الضغط !
بس يمكن لأن هالسنة آخر سنة بديت أستثقل الضغط بشكل مو طبيعي :/

https://i0.wp.com/img697.imageshack.us/img697/1574/001vo.gif

.

.

.
و انتم كيفكم اخباركم ؟
عسى دراستكم ماشيَة تمام ؟ و دكاتركم عساهم كويسين ؟
جاكم مطر ؟ <~ اهم سؤال XDD
.
اليوم بما إني غبت وقت طويل ، قررت أرجع و أهذر لين أشبع من الهذرة !
دامني مكبُوتة ! ع الأقل اطلع شوي من اللي في قلبي !!
مع إني خلال هالوقت اللي أكتب فيه المفروض أروح أكمل واحد من بحوثي
و إلا أذاكر كم محاضرة للاختبار الجاي !
.
بس ” فليذهب كل شي يمت للجامعة بصلة إلى الجحيم!!! “
.
/
.
اليُوم بسولف لكم عن أشياء تحصل لي هالفترة :/
مدري أنا كبرت و بدأت أفهم العالم كيف يمشي ! و إلا خبرتي الحياتية
بدأت تستوعب إنّي 21 سنة و لازم أطبق خبراتي و أتعلم أكثر عن البشر اللي حولي
و إلا ايش بالضبط :/
.
بس إني بديت أنتبه لأشياء ماكنت أنتبه لها من قبل !
و اكتشفت شي أستمتع فيه مع إنّه شي يجيب الهم بس مع ذلك أحسني مستمتعة
جدن فيه :/

هذا سلمكم الله عندنا دكاترة معهم حالات جنون العظمة :/
أو دكتور “مخرف” أظن و الله أعلم إن عمره فوق الستين !
و دكتور قلب علينا و ناوي إذا ماتعدلنا يطلع عيوننا :/ المشكلة البنات الغلطانين
كلهم عارفهم بس مع ذلك يهدد المجموعة كلها :/
.
المشكلة ايش ؟ بديت أستمتع بمحاضرات الدكاترة الشريرين ؟
مو لأني أنتبه للشرح أو معجبة بالمادة أو الدفرنة طالعة من خشمي !
بل لأني أحب أشوف البشر كيف يتصرفون !
أنبسط يوم أقابل انواع مختلفة من البشر ! حتى لو كان هالكائن البشري
يجيب الهم و لسانه طويل و يشوف نفسه فرعون زمانه ! بس أنبسط يوم
أجلس أحلل مواقفه و كلامه و غباء البنات يوم يتعاملون معه !! < ~ حالة في طول النمو خخخ
.
كح لحد يعترض على كلمة غباء البنات -قصدي بعض البنات-
جد فيه نوع من البنات بديت أستكشفه قريب -عن قرب- ، بنات الدكتور يهزئهم و يمسح
بكرامتهم البلاط و البنت ياعيني تضحك و تكلم الدكتور مرة ثانية عشان يهزئها مرة ثانية
كذا أحس مافي مسمى “كرامة” عندهم :/
.
صديقتي تقول الحياة الجامعية تفرض عليك أن ” ترمي كرامتك عند الباب” !!!
و أنا أقول الله لا يكتب علي الساعة اللي أرمي فيها كرامتي ! و أتذلل عشان كم درجة !
.
فيه دكتور البنت تتكلم معه و هو يقولها “شششششش اسكتي !”
و البنت لا زالت تتكلم لين طنشها نهائي :/ في النهاية رجعت مكانها :/
طيب يابنتي ليه من بدري ماحفظتي ماء وجهك و سكتي :/ ليه لازم يهينك :/
يعني عارفة البير و غطاه و عارفة إن الاخلاق متبرية منه ! ليه تجيبينها لنفسك !
.
و فيه دكتور معه جنون العظمة ! هو أحسن واحد في الحياة هو اللي مافي زيه اثنين !
الطفرة الجينية في السعودية ! أول سعودي يدرس في مانشستر و ياخذ دكتوراة !
بالعربي ماخذ هرجة “مافيش زيي اتنين!”
و يخلي البنات يتناقشون معاه و للأسف يناقشنا و كأن مرتبتنا العلمية زيه و كأننا دكاترة
و يوم يخلص و هو غالبنا بكل تأكيد يقول “أنا مدري انتوا بشر زينا و إلا كيف؟”
سلامات يالطيب سلامات :/ للأمانة ماقالها إلا مرة بس حزت في نفسي
بس في الغالب يرمي كلام زي كذا !
.
و البنات لازالوا يتناشبون معاه :/ و لازالوا يسوون فيها أبو العريف و في النهاية
يستخدم العلم الي مانعرفه و يقولنا ! انتوا ماتعرفون شي !! انتوا التعليم عندكم وعه
و كأنه مولود بكندا من يوم يومه و كأنه مادرس بكالوريوس بجامعتنا !
خلاص تبرى منا و صار هو بعالم و احنا بعالم ثاني :/
.
.
أكمل ؟ خخخخخخ قايلة أنا ماأبي أكتب كل شوي بالمدونة لأنها آخر شي بتقلب
كلام عن الدكاترة و الحالات النفسية اللي يعانون منها !
سواء جنون العظمة أو الشعور بالنقص أو الخرف :/
.
صح الدكتور العجوز يقولنا “شو اسم مستشفى المجانين تبعتكون شكلكن راح تخلوني أروحها؟”
و مع إنه مطلع عيون البنات جالسين يضحكون على نكتته البايخة و صاروا يصرخون
” اسمها شهار ياداكتووور”
.
كح كح خلاص خلاص يكفي ! أحس لو كملت بخربها هنا !
بس الأهم إني مستمتعة بكل اللي يصير أعلاه خخخخخ
للمعلومية أنا عنصر صامت في مثل هالمواقف ! ما أقول شي بس أجلس أشوف
ردة فعل كل شخصة و ردة فعل الدكتور اتجاههم و تنتهي السالفة بإني أصفق
يد بيد و أقول لا حول و لا قوة إلا بالله ، يارب ترا هالأربع سنين اللي راحوا من عمري
جهاد في سبيلك ، يارب لا تضيع لي تعب :”(
.
/
.
تعرفون ع الاستمتاع اللي أحس فيه ، أفكر أقرى أكثر عن علم الإنسان !
و علم النفس :/ أتوقع راح أستفيد و راح أنبسط أكثر و انا أحلل مواقفهم !
أكثر شي متحسفة عليه إني بفقد هالشي يوم أتخرج إن شاء الله :”)
<~ الناس في الناس XDDD
.
/
.
.
.
.
.
.
.
.
.
/
.
كانت عندي مواضيع أكثر أتكلم فيها :/ و أكثر أهمية و فايدة
حتى يوم الخميس صورت اشياء كثير من غرفتنا كنت بحطها بتدونية منفصلة !
بس ماش مافي وقت أبد أبد :”(

https://i1.wp.com/img718.imageshack.us/img718/2484/003za.png

لذلك أتمنى تكون هالفضفضة ع الأقل شي يمشي الحال شوي ^^
كنت أتمنى أقول الأسبوع الجاي بجي و أجيب قشي معي !
بس الدكتور أبو جنون العظمة حالف مايريحنا لين موعد الاختبارات النهائية :”(
لذلك ماظنتي بصير فتاة نشيطة إلا بنهاية هالترم !
دعواتكم لي إني أنجح بكل المواد :”( مع النفسيات اللي أواجهها كل يوم !
صرت أوسوس من كل شي حولي ! حتى درجاتي مع إنها إلى الآن الحمدلله
جدن كويسة ! بس مابضحك و أنبسط ذحين !
يقولك من يضحك أخيراً يضحك كثيراً ! فـ بنتهج هالنهج و أجلس صابرة لين
ربي يعدي هالشهر على خير إن شاء الله !!
.
.
الله يوفقنا جميع يارب ق1ق1

Advertisements

3 thoughts on “تدوينة و السّلام

  1. هلا والله
    اقولك هاذي الحالات تجي كل يوم احب احلل نفسياتهم لحد احسانا اسرحح كثيير
    عندنا دكتوره راعيه مصالح صديقتي راحتلها تبغاها تعدل درجتها شي مثل كذا وتقولها جيبيلي مثل هاذي واعدلها وتفتحلها الدرج ساعات وتحف وحاله يعني الاخت ماشيه ارشيني وارشيك للحد وصل فيها الانحطاط جنون العظمه ولا دكتورتنا الي موسوسه نظافه تص تص تص يختي اخاف اتكلم ولا اخلص
    وابله تجيبك وتوديك من هنا فجأه تمصلح وفجأه تقلب عليك ماتدرين وش تسوي اليوم
    وينه عند نفسه من الغرورو ماتعطيك اي تلميح لمشاعره اعشق الي كذا !!
    وياكثرهم عندنا احسهم كهف مصكوك تحت مبه صخره ويبيله احد يكتشفه
    هذا غير الاختبارات اللهي يعيني ويعينك شكلك جتك حاله كل العالم قبل التخرج ماترتاح ولا يرتاح ظميرها
    الا لا كرفت هذا شي طبيعي وتحجرين نفسك بغرفه وكبت وحاله شايفه هالحاله عندي منزليا كثيير خخ
    عاد مدري انتي من النوع الي يحب يكرف ولا تبين تخرجين بصوره حلوه
    الله يوفقك ويفرحنا فيك وين ماكنتي وانشالله تورينا الصور بالويك اند او متى مافضيتي
    مالي دخل لازم اشوف رسماتك عالكراسه :(

  2. ايوه صح اول رسمه حلو تلوينها وثاني صوره تمثل شكلي لا شفت انمي شوجو وانا منقرفه وداريه وش راح يصير خخخ اما ثالث الصوره الكوتنه الي يبيلها شوته خخخخخ
    حلوات الرسمات لو كان يهمك تعليقي عليهم :)

  3. خخخخخخخخخخخ
    الله يرج إبليسك يا جي !
    أوما مواقف !!!! شي يجيب الهم !
    ايش تفتح الدرج تقولها جيبيلي زي هذي !!! منجد نفسيّات ياكافي !!

    كويس ماطلعت حالة غريبة ض1 منجد صايرة أحب أكتشف أشياء في الحياة غير اللي دايم أسويها !
    حتى لو شي غبي :/ و للأسف الفضول المفاجيء قاعد يفتح عيني على أشياء تعيسة !
    <~ راجعوا تدونية It makes me SAD

    و شسمه ع الدفرنة على آخر سنة :/
    ترا أبد ماأحب المذاكرة و الحالات النفسية فصارت معي حالة عكسية !
    صرت أنفجع لأني ماأذاكر ! و أنفجع لأن ضميري ما يأنبني أبد أبد !!!
    فصرت أتغصب نفسي ع المذاكرة تغصصصب ! خخخخخخخ
    أقولك دايم ردات فعلي عكسية خخخخ XDDD

    و تسلمين يارب ق1ق1 الله يوفقنا جميع ق1ق1

    و رأيك بالرسمات *مستحي1* انبسطت إن فيه أحد لاحظ إن فيه تطور و فيها تعابير و مشاعر ق1ق1
    كم اوحيبووكي ق1ق1ق1

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s