It makes me SAD

https://i1.wp.com/images.sodahead.com/profiles/0/0/0/9/9/8/6/7/3/you-make-me-sad-13095408261.jpeg

 

مَـامَـا ! العَـالم مو كويّـس  ! العَـالم وحــش !!

– مراحل التنوير الاجتمَاعي-

 

:

 

كح ، احم احم ..

بمَا إنّي في مرحلَة -ترتيب أولويّات- و محاولة فهم لمكنُونات العَالم المُحيط بي !

و اللي للأسف الشديد عشت بهالعَالم -21 سنة- و لازلت أجهل طريقة التعَايش فيه بنسبة تقارب الـ90% !

طبعاً هالحقيقة جعلتني حزينَة : (

يختي على ايش عايشة 21 سنة إذا حتى المهَارات الاجتماعيّة ماتمتلكينها :/

إذا ماعرفتي الشخص اللي يضمر لك الشر أو اللي يضمر لك الخير !

 

بديت أضدّقهم بالدراما و الأنمي لاجابُوا لك البَطل جاهل اجتماعياً من ناحية الحُب مثلاً !

و إلا يجيك خبل في التعامل و اخلاقه ميح و مايعرف يتصرّف !

 

و بدأت فعلاً أؤمن بإن الكُتب ما تعلم زي ماتعلمّك التجربة و الخبرة !

إذاً ! و عشان أتعلم المهارات الاجتماعيّة اللي تنقصني !

لازم أبطّل حركات شراء الكتب اللي تعلمك التعامل -كيف تصير إنسان مثالي- على جمب

و أبدأ أحتك في الناس أكثر و أعرف معادنهم و أتهاوش مع الناس الشريرين عشان اعرف كيف الناس يتهاشون !

 

يا إلهي قد ايش اكتشفت إني إنسانة اتكاليّة ! حتى في المهارات الاجتماعيّة – اتكاليّة – !

مدري كيف أهلي عايشين معي للآن ! :/

الله يعوضهم خير بَس !

 

عموماً : أختي الزائرة ، أخي الزائر !

رجاءَ لو حللت شخصيتك و طلعت لك النتيجة “مثاليـ/ـة” رح انتحر أو روح صير إنسان عكس المثالي تماماً

لأنك ما راح تستفيد شي من هالمثاليّة الزايدة في هالعالم السيء !

 

– و لا زالت الإنسانة الجاهلة إجتماعياً تصيح و تصيح و تقول “ماما العالم وحش” –

 

:
:

 

نترك مشاكلي و أولويّاتي على جمب شوي !

و أعلمكم عن آخر ما قرأت : )

 

وش يخطر على بالكم لا قلنا كلمَة ” كوَارث “

كارثة ! ماهي الكارثة ؟

الكارثة إنك ترسب بالمدرسة ؟

أو إنك تنطرد برا بيتك لأن مدينتك بيسوون فيها سكة قطار ؟

أو الكارثة إنك تكتشف إن صديقك إنسان خاين و حقير و زلابة ؟

أو الكارثة إنك تكتشف إنك جاهل اجتماعياً ؟

أو الكارثة إن لابتوبك تنكسر شاشته ؟ أو البي بي يتصادر من قبل الأمن بالجامعة ؟

 

أشيَاء كثير الناس يطلقون عليها كلمة “كارثة”

بس فيه مقالة بالويكي تخالفكم رأيكم !

لأنها تحوي بين طيّاتها – الكوارث الخمس المهلكة على مرّ التاريخ –

 

كوراث كوراث ، مهب شغل لابتوبي و درجاتي XD

كلهَا زلازل دمّرت مناطق بأكملها و وصلت درجة خطورتها لـ 8 و 9 رختر !

<~ فيس يذكر أنمي زلزال طوكيُو و يصيح في الركن !! :”(

 

أكثر الكوارث الطبيعية تدميراً

 

https://i2.wp.com/www.al3ez.net/upload/a/horeea_valdivia.gif

 

1- زلزال شانشي – الصّين

2- زلزال المحيط الهندي – أندونيسيَا ( التسونامي )

3- زلزال تانغشان – الصّين

4- زلزال حلب – سوريا

5- زلزال غانسو – الصّين

 

تلقونها ( هـنـا ) بداية بشانشي و تلقون جدول تحت بالتفاصيل ادخلوا منه للزلازل الباقية

 

ملاحظين أغلب الزلازل بالصّين ؟

ياكافي شكلهم من المغضوب عليهم : ( !!

أصلاً لو تقرون التفاصيل بتحسّون برعشة و قشعريرة !

الله لا يكتب علي أروح مكان و يصير فيه زلزال !

مع إنه حلمي يوم كنت صغيرة إنه يجينا ( زلزال و بركان و إعصار )

خخخخخخ ماخليت شي من كوارث الطبيعة ماتمنيته خخخخ

 

بس منجد أحس الزلزال أخس شي ممكن يجيك !

الأرض ! اللي تمشي عليها ! اللي مافيه مفر منها ! هي اللي تهتز و تبلعك و تهد بيتك :”(

الله لا يحسسنا بهالشعور أبد أبد :”(

 

:
:

 

خخخ مَدري هل موضوع الزلازل و الكوراث جا مع كارثة اكتشافي إنّ العالم وحش !

و إلا ايش بالضبط ؟ خخخ

يلا دعواتكُم ياحلوين : )

 

https://i0.wp.com/data.boomerang.nl/s/sveekelen/image/bye-bye/s400/bye-bye.jpg

4 thoughts on “It makes me SAD

  1. دايم اقرا مدونتك بس اول مرة احس بحماس انو اعلق
    على طاري الجاهل اجتماعيا تذكرت نفسي اول ماتخرجت .. لما توظفت كنت اي شي اقول ايه وطيب واذا كرهت شخص بعدت عنه .. حاليا تعالي شوفيني .. شخص قمة في المنافقة .. قليل جدا الاشخاص اللي ابين لهم مشاعري.. وافكر مليون مرة قبل اتصرف.
    اول ماداومت في مدرستي الجديدة كل مدرسة كانت تبي ترمي شغلها عليّ، نفسي القديمة كان ممكن اتخذ موقفين .. اما اوافق مثل الغبية او ارفض بشكل وقح واخليهم يكرهوني.. بس انا اللي سويته قدرت منزلة الشخص اللي قدامي، اذا معلمة عادية مالي علاقة فيها رفضت بأدب وتحججت بعذر ثاني، اذا الوكيلة او غيرها اجلت العمل او طلبت طلبات تعجيزيه، مثل لما طلبوا مني اصمم شعارات واغلفة ملفات من اختصاص مشرفة النشاط طلبت منهم تكليف رسمي بالمهمة لانها مو من اختصاص معلمة الفنية :D
    على الصعيد العام تعلمت انو قبل ماتتعاملين مع الناس وتطبين معاهم راقبيهم من بعيد ولا تعطينهم اسرارك ولا افكارك ولا ابتكاراتك .. راقبي ثم راقبي ثم راقبي، نتبهي لنصرفاتهم مع بعض ومعك ومع الطبقات المختلفة من حولك، وبناء على تصرفاتهم قرري اذا تقربين منهم او تبعدين .. ومهما كانت علاقتك بالشخص اعطي مية تفسير وتفسير على تصرفاتهم والنية الطيبة والاعتقاد الابلة ان الناس طيبة وعلى نياتها خليه اخر خيار قدامك..
    طبعا هذا الشي تعلمته بعد 29 سنة XD

    اتمنى انو تتعلمين اسرع مني :D

  2. لافا ، من كلامك و كلام وحدة من صديقاتي اتضح لي فعلاً
    إنه ما راح تكتشفين الناس و طريقة التعامل معاهم إلا يوم تشتغلين معاهم !
    صديقتي تشتغل بتحفيظ قرآن – الله يسهل لها –
    تقول أنا ما عرفت الناس مزبوط إلا يوم اشتغلت معاهم !
    فلو تبين تعرفين أحد راح تعرفين لاحطوكم بشغل مع بعض !
    لأنه كل وحدة راح تحاول ترمي الشغل عليكِ و في النهاية راح تنافق و تكذب عشان تبين إن الشغل من تعبها و تبي الكل يمدحها !
    و هنا راح تتعلمين التعامل مع الناس كيف قايل !

    حسيت إن هالشي بيكون جديد علي و تمنيت أجربه فعلياً !
    لأني ماأبي أعيش في عالم أنا مدري كيف ماشي و وش نظامه !
    الكتب ماتأكل عيش في هالمجال ! أتمنى ألقى كتاب يتكلم عن الواقعية أكثر من كلامه عن المثالية !

    أو حتى أشوف أنمي أو دراما فيها علاقات فعلاً واقعية و ممكن تصير في العالم فعلياً
    مو يجيبون لي شخصيات مثالية و مسالمة و تنقذ العالم :/

    حبيت طريقة تعاملك معاهم يوم يحاولون يستغلونك !
    أحسني لو انحطيت بنفس المكان ماراح أعرف كيف أتصرف !
    فعلاً ودي آخذ محاضرة في حقوق الإنسان =______=
    و متى الإنسان يحق له يعصب ! صار عندي تبلد !
    ما اعصب و لا أفكر بشي ! و كأن العالم واقف :/

    شكراً على ردّك حسيت فيه أمل أتعدل لو اشتغلت إن شاء الله XD

  3. رغم اني حاولت اتكلم بس اوقف واقول ايه والله اني حزينه :(
    يعني جد جد لا تصيري طيبه لا تصيري اخلاق ليش لانهم بيقولون ياعمري ععلى نياتها !
    ياخي وش دخلكم خل هاذي تعيش حياتها والله حياتها اهنى واسعد من حياتك ميتين مره
    رب فاتحلها الرزق مشالله الي مخليها كذا ولا مسكثره عليها السعاده مدري وش اقول احسي طلعت عن الموضوع صح ؟؟ :) لانه تصيرلي مواقف مع ناس استغفر الله انا اركز اكثر على الاخلاق
    والكارثه بالنسبه لي هو لما القى الكافرين اكثر من المسلمين بالعرب ادري ان ردي متعوج ض1
    واني طلعت عن الموضوع بس ماحبيت افوت على نفسي اني ارد على هالتدوينه لانه مرره حلوه جد
    بس سوري لاني تقريبا ما اضفت شي :) واعيد واكرر تلوينك للصوره خقق صاير ابداعي
    وشكرا على كذا افكار يبيلك مقابله مع اوبرا ق1ق1

  4. جي
    صادقة و الله !!!
    يعني مع محاولاتك إنك تكونين إنسانة مسالمة و تعاملين الناس بالطريقة الي تبينهم يعاملونك فيها
    إلا إنك تنصدمين من نماذج ! استغفر الله بس !!!
    يعني مهما أعطيتيها وجه و مهما أحسنتي إليها تسيء لك و تشوف اللي سويتيه شي مفروض عليك
    تسوينه لها !! يعني شايفة نفسك على ايش يختي !!! على ايش !!!

    عموماً كنت دايم أعطي هالناس وجه حتى لو غلطوا و تمادوا :/
    بس الحين لأ ، تقريباً الثلوث اللي فات مسحت بوحدة من هالشاكلة البلاط و خليتهت تعرف قدرها
    و ليتك شفتيها بس !!! لسانها في العادة يرش و يكنس من طوله بس عرفت إنها من نوعية الناس
    اللي يمشون على مقولة “اغلبوهم بالصوت” بس لو رفتي صوتك عليها مرة وحدة !!
    صوتها بيختفي و تصير الخروف الوديع :/

    ففعلاً فيه ناس مايبغالهم إلا العين الحمرا :/ و توقفينهم عند حدودهم :/
    نورتي كالعادة جي ق1ق1ق1 ماأنحرم من هالطلة يارب ق1ق1ق1

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s