و بدأت الاختبارات الجميلة

السلام عليكم و رحمة الله و بركاته

كيفكم ! أخبارركم !!؟

ياربي كيف اشتقت للهذرة و الاستنتاجات الخزعبلية و حالات كونان خخخخخ

لأني انشغلت جاتني أفكار كثير لمدونات ممكن أتواصل فيها معاكم !

بس ماش !! مافي وقت !!

حتى منتدى الأنمي لأني ماعاد شفت شي و لا عندي وقت أشيك عليهم أول بأول !

عموماً أتوقع إني أمر بلعنة أنمي هالفترة و أظنها بتطول معي هالمرة مدري ليه :/

دايم مع بداية كل موسم تجيني لعنة :/ مدري ليه !

عموماً صرت أتحمس مع الدرامات أكثر ق1

ايه صح لازم أكتب لكم عن الدرامات اللي أحبها :/ بس متى !! أوووف

ايه شسمه ، مبروك عليكم حلول الاختبارات النهائية اللي راح تبدأ السبت بإذن الله : )

أسعد خبر ممكن أسمعه هالفترة خخخخخخخخ

و الله الاختبارات صارت شي أنتظره بفارغ الصبر !! مع إن صديقاتي يخالفوني بشدة

و ودهم يقرمعوني لاقلت لهم “لبى السبت و الله” خخخخخخ

بالله أيهم أسهل ؟ الاختبارات و إلا المشاريع ؟ :/

و الله الاختبارات ! تخلصونها في يومها !

أوما المشروع شي يعل القلب ! خصوصاً لا صار قروب !!

تنتحرين و انتي تتناقشين مع أشخاص مختلفين معك في وجهات النظر !

و تحاولين ماتعصبين و لا تفرضين وجهة نظركِ :/

أكره كذا !!! منجد منجد منجد مع إن الشغل في قروب يقلل العمل بس يتعب !!!

عموماً السبت إن شاء الله تسليم كل مشاريعنا المُهلكة ، و بعدها كل دكتور يسري في حاله ض1

أتوقع راح أفضى أكثر من كذا ايام الاختبارات و إن شاء الله تجيني أفكار كويسة أحطها هنا : )

اليوم جمعت كل رسمات الأسبووعين الي فاتت ض1

كنت كل ماأزهق من الشغل أجيب التابلت و أرسم رسمة ع السريع تعبر عن أفكاري وقتها

و أحفظها بصيغة PSD عشان أعدل عليها المرة الجاية : )

و تكون عندي عدد لا بأس به : )

https://i1.wp.com/img28.imageshack.us/img28/8022/fayafi1294347871.gif

تعلمتن أشياء كثير خلال هالأسبوعين !!! مو مصدقة قد ايش الواحد يتعلم يوم يكون مضغوط :/

لازم أوريكم النتيجة النهائية لبعض مشاريعي خصوصاً اللي قطعت قلبي ض1

و دعواتكم لي بالنتايج الزينة يارب :”)

و الله يوفقنا جميع يارب ق1

Advertisements

3 thoughts on “و بدأت الاختبارات الجميلة

  1. رد سريع سريع
    رسماتك اكثر من ابداع متطوره 100% ثالث رسمه اعجبتني كثييييييييير
    الله يعيننا جميعا ومن جد المشاريع شي قبيح وعندي لعنه انا بعد لها اسبوع وسحبت عمانجاتي الجميله بعد
    :( ياللله مشكوور على هالتدوينه وانشالله لا قعدتي تناططين انك خلصتي تجين وتبدين تكتبين ثلاث تدوينات باليوم :) يالله مع السلامه ق1ق1ق1

  2. أهلاً جي : )
    ياحوبيلك !! أنبسط منجد يوم أحد يقولي رسمك تطور :”) أحس إنّ جهودي ماتروح ع الفاضي
    أي ثالث وحدة ؟ ليتني مرقمتها عشان أعرف على أية قصدك : (
    قصدك الولد الملون اللي ماسك شنطته :/ شعره أسود ؟؟

    أنا سحبت ع الأنمي من قلب من زمااان ماشفت شي :/ بس طايحة بالدورامات من قلب ق1
    في اليوم لازم أشوف لي ع الأقل حلقة حلقتين عشان ماأنتحر خخخخخخخ

    تشكريني على ايش أنا المفروض أشكركِ ق1ق1ق1ق1 الوحيدة اللي تخليني أتحمس يوم أحط تدوينة جديدة ق1ق1ق1

    و الله يوفقنا ياررب و نخلص و نجيب درجات زينة و ننبسط ق1
    ايييه :”) لو خلصت هالترم إن شاء الله مدري ايش أسوي بعمري بالضبط خخخخخخ
    الله يكتب لنا اللي فيه الخير يارب : )

  3. لا اقصد الي بالسطر الثاني مو الي يدخن البنت حسيت انك مرره ضابطه التحديد وكل شي واول مره اشوفك تحددين باسود كذا :)
    يالبى قلبك بس والله اني احب هالمدونه مره واحب اشوف سواليفك ولا شفتك رديتي علي استانس ق1ق1
    بتعيشين معنى كلمه عزوبيه ض1 وبتفقدينها كثير ( فيس يناظر اخته ) لانها قعدت سنه بعدين كملت وكذا
    وكانت ميه مسلسل باليوم وكان وناسه مره بس اكيد بتجيك ايام غلقه وحاله وبتمسكين ابوك وتنشبيله
    لو يروح يشتري خبز رحتي معه خخخخخخخخخ بس جربي العطاله مثل ماجربتي الدراسه والكرف
    والله يوفقنا اجمعين

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s