D:

ياااهـ ~

 

هاليُومين أحداثها كثيرة ، غير إن الجو يجيب العافيَة منجد !!

طبعاً من أهمّ الأحداث في الشارع السّعودي ، استقالة الأمير سلطان بن فهد من منصب رئاسة الاتحاد السّعودي !

أتوقع الكل انبسط و استانس على هالخبر ، مع إنّ فيه ناس قالوا دام البديل نوّاف فما هنَا زود XD

بس عندنا أمل إنّ شاء الله إنّه يكون مُختلف : ) و يغير اتحادنا للأفضل إنّ شاء الله

 

و على الصّعيد العربي ، ثورة تونس و خلع رئيسهَا ، و طبعاً شردته عندنا :/

و الله أذكر يوم دريت إنه في جدّة ، دريت من تويتر ، ياجماعة لين نمت و أنا أحس إنّ الأرض

اللي أمشي عليها ملوثَة ! أحسّ فيه شي غللللط !!!! بعدين استغفرت ربي و قلت مالي شغل

اللي يسمع انا مدخلته السّعودية عشان أحس بالذنب :/ همف !

 

و آخرتها اليابان يوم جلدت منتخبنا خمسَة صفررر ! *حواجب1*

للأمانة ، أنا ضد أيّ سعُودي يجي و يقول أنا ما أشجّع المنتخب ! و فجأة أشوفه يشجع المنتخب الخصم !

يعني ياخي ماتحسّ بحرقة في قلبك !!! ماتحس إنّ فيه شي يخليك تشجّع المنتخب غصب !!

عموماً ، مع إني أكره هالشي جداً ! إلا إني ماتمنيت منتخبنا يفوز ع اليابان !

و لا هو حباً باليابان أكثر منه قهر ع الحال اللي وصلنا لها !

أجل نخسر من سوريا و الأردن ! و أول المودعين للبطولة ! و اللاعبين يسحبون

رجولهم سحححب بالملعب كأنهم مغصوبين يلعبون ! ياخي ماتي تلعب لاتلعب مو لازم ترا !

رفعُوا ضغطي بهالبطولة و أتمنى نشوف مستويات مشرفة المرات الجايّة :/

 

 

 

و نجي للجَو ! الجو اللي يجيب العافيَة ! الله يديمه علينا ياااارب 3>

ودّي نكشت و نطلع البر ، و ننصب لنا خيمَة ، و نشرب حليب حار بالليل و نطالع السمَا سوا !

كل ما نجي بنطلع للبر يطلع لنا مشوار منّا و إلا منّاا !! استغفر الله !

و الحين اختبارات :/ و بعدها زواج بنت خالي :/ و بعده يبدأ الرم الثاني !

متى نكشت يعني متى !!! أووف !!!

 

/

 

و أخيراً رسماتي الجديدة ، من ناحية الستايل و التلوين D:

 

https://i2.wp.com/www.arteden.ae/submissions/files/full/image/Fayafi_SMILE.png

 

https://i1.wp.com/www.arteden.ae/submissions/files/full/image/Fayafi_Hmmm.png

 

– ايه صح نزلت جداولنا للترم الجاي :/ الجدول كويس بس حاطين لي مادة تدريب عملي مع دكتورة تجيب الهم :/

بس لو أغيرها كله يصير بيرفكت : ) الله يوفقني و يوفقكم جميع 3>

 

2 thoughts on “D:

  1. الصراحه السعوديه هاذي والله مدري وش سالفتهم شكل سبب بطولات الهلال
    هو الاعبين الاجنبين ولا لاعبينا زلايب !!
    حنا غرقنا يعني مو غرقه غرقه بس جانا مطر متواصل يوم كامل وقوي بالرياض
    وغيبونا اليوم الاربعاء ولا ادري وين بيودون اختبارات العالم :(
    ههههههه وشرايك تروحي لكم حبت تراب قدام بيتكم وتقعدين عنده وتريحين ضميرك >> برى
    والله جد يبيله بر لا صار الجو حلو بس بحالتنا برنا تلقينه الحين رمال متحركه هع
    وبالنسبه للرسمات انا تنحت شوي وصار وجهي كذا ._. اقسم كذا ._.
    الصوره الاولى احسبها بوستر مانجا شي لالا رسامه والرسامين قليلو والله ابداااااااع
    والثانيه حلوه تعابير وجهه بس جد خقيت من جدك فيافي لا خلاص صرتي فنانه
    وترى مانسيت لازم تورينا رسمك عالكراسه >>> ام النشباات
    مشكووره انك ماشيه بالترتيب بتنزيل المواضيع ووالله شي يفرح :)
    وكنك داريه ماتنزلين المواضيع الا لا صرت اناطط بالنت ولا عندي شي !!

  2. شكله منجدك :/ رادوي و الشلة الاجنبيّة هي اللي تشتغل بالهلال :/
    أطالب بأجانب في المنتخب XDDD

    ماشاء الله أمطاركم *فيس مبهُور* نفسي يجينا مطر متواصل كذا !
    مطرنا أبو ساعتين ثلاثة و يوقف :/ إذا كثّر خمس ساعات :/
    بس سالفة الاختبارات اللي تأجلت مرة مزعجة :/
    يعني الواحد بيفتك من الاختبارات :/ عموماً خيرة خيرة لكم

    و تسلمين و الله *مستحي2* من ذوقك ق1ق1ق1ق1
    تحسين بدفعة معنوية لا حسيتي إنّ فيه تطور على شغلك : )
    و هذا اللي حاصل هاليُومين : )
    شكراً ياعسَلة ق1ق1

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s