و أخيراً 31 يناير !

يا إلهي !

ماكذب من قال وش هالبداية يا 2011 !!؟

سنة ميب عاقلة ! إذا هذي بدايتها وش تاليها !!

ماأقدر أعدد وش صار بذا الشهر ! لأن نفسيتي زفت بما فيه الكفايَة !

تقريباً من يوم الربوع و أنا خارج إطار عالمي و واقعي !

صرت عايشة بجدّة و مصر و تونس ! من قناة أخبار لقناة أخبار !

من هاش تاق لهاش تاق ! و مجتمع تويتر مايقصّر ! أول بأول الأخبار !

الواحد يحس بمعاناة الشعوب الثانية ، يحس بمعاناة أهل جدة ! يحس يحس يحس !

لين يفقد السيطرة على محيطه و عالمه ! و بعدها ماعاد يحس بشي !! فرااااااغ !

سرحان طول اليوم بهالأخبار و هالمواقف اللي تنشاف !!

 

و أخيراً جا آخر يوم بهالشهر !!! أووه مابغى :/ كح كح

اللهم اجعلها آخر الكربات يارب !

خلاص بسرعة ياحسني اطلع من مصر و خلي الثورة تخلص و نرجع طبيعين !

و بسرعة ياتونس أقيلي الحكومة و خلونا نفتك !

و بسرعة يالانتربول أمسك بن علي و فكنا منه ! من يوم طب عندنا ماعاد شفنا خير !

مواطنينا برا ماكلين تبن من التوانسة ! ثم تجي السيول بجدة ! المدينة اللي قابع فيها هالـ&$&$ !!

و ياحكام الدول العربية ! ليتكم بس تتعظون من اللي قاعد يصير و تسمعون كلام شعوبكم و تفكونا

من ثورات قادمة يرحم والديكم !

مو قاهرني إلا إن إسرائيل قاعدة تتفرج علينا ! و صح يمكن على قولة السويدان إسرائيل الحين مفجوعة

من اللي قاعد يصير و ساكتة متعمدة عشان ماتحط نفسها في موقف بايخ مع الثورات اللي بمصر و تونس

بس برضو أكيد بقلوبهم مبسوطين بشكل أو بآخر ! و هالحمير ماأبيم ينبسطون بشي !!!

 

الواحد يبي يهنى بالإجازة و مو قادر :”( يا نحاسة حظنا بس :”(

 

عموماً هاليومين صرت مهتمة بالأدب العربي ، فطلعت معي رسمة لـ “علء الدين” بطابع عربي

 

https://i2.wp.com/www.arteden.ae/submissions/files/full/image/Fayafi_1296431741.png

 

مو باين عربي صح XD و لا يقرب للعرب XDDDD

 

– فيه كتاب خرافي جالسة أقراه ! إن شاء الله لا خلصته جيتكم بالعلوم الزينة D:

و دعواتكم لأهل جدّة و أهل مصر :”( و دعواتكم بفبراير سعيد إن شاء الله ع الكل :”)

2 thoughts on “و أخيراً 31 يناير !

  1. اخييييييييييييرا فتحتي هالموضوع شفتي كيف المظاهرات صارت موضه !!
    اربع وعشرين ساعه انا عالجزيره ما اقول الا الله يساعد مصر الي صابره على مبارك
    30 سنه ويارب يوفقنا اجمعين وانا حاسه ان امريكا بتتدخل وبيطلع الموضوع من راسها بطريقه او باخرى او حرب علميه ثالثه ض1
    بس جد الوضع يخوف ولا توقعت ولا بعد بليوون سنه اشوف هالمشهد قدامي
    تصدقين اول ماشفت كذا خفت قلت يوم القيامه قربت لان من علماتها كثره الفتن
    يعني بس تنفتح اسرائيل و .. >_< المهم تراني عطلت امس وانشالله يتعدل الوضع
    ورسمتك ماكنه عربي اببد خخخخ ومع السلامه :)

  2. تتابعين ع الجزيرة !
    صح الجزيرة أحيان تجيب أخبار صريحة و الباقين يحاولون يتكتمون عليها !
    بس برضو أغلب أخبارها استفزازية و تثير الفتن غير إنها أول قناة/موقع أشوفهم معتمدين على إشاعات البلاك بيري و التويتر !

    طبعاً غير انحيازيتها :/ أجل خبر طرد قبيلة كاملة من قطر ماجابته و ع السعودية تجيب الأخبار لو من البلاك بيري :/

    و ثورة مصر :”( خوفتيني يوم قلتي من علامات الساعة :”(
    رحت أقرى و كان فيه من العلامات فتن كل ما الواحد يقول الحين تخلص ، ترجع و تزيد :”( الله يجيرنا بس :”(

    مبارك خخخ مسيكين ، كل ماطلع قرار و غير في حكومته و هو يبي الشارع المصري يهجد شوي ! تشوفينهم يزيدون خخخ
    أجل بكرة ناوين ع المظاهرة المليونية ! ليش مايفهمها ! الشعب مايبونك ! خلاص عمرت في الحكم خلي الفرصة لغيرك !!

    الله يفكنا من هالفتن ماظهر منها و مابطن ! : (

    – ايه بقوة مو عربي XDDD

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s