Path Tool <3

أداة الباث !

 

أو بالفوتوشوب و الاليستريتور Pen Tool ، و بالكورل درو Bezier Tool

و هي الأداة اللي تنتج رسومات الفيكتور

و اللي يمدينا نتحكم فيها و نرسم عن طريق الماوس دون استخدام وسيلة ثانية

 

https://i1.wp.com/farm4.static.flickr.com/3480/3848396666_ae72322ce9_z.jpg

– الرسمة من فليكرOTAVIO

 

من أهم مميزات صور القيكتور ، إنها تحتفظ بشكلها مهما كبرتيها أو صغرتيها !

بعكس البيكسل اللي إذا كبرت تصير مربعات و إذا صغرت تختفي تفاصيلها !

عشان كذا الفيكتور تستخدم كثير في اللوغو و الشعارات

 

/

 

فيه برامج كثير تدعم هالخاصية منها الفوتوشوب ، حيث إنه يحوي البن تول ضمن أدواته

و برامج متخصصة زي الاليستريتور و الكورل درو

 

هاليُومين جلست ع الفوتوشوب كثير أجرب بأداة البن تول ، وحاولت أدور شروحات عليها قد ما أقدر

و طلعت نتيجتين كويسة : )

 

https://i2.wp.com/img841.imageshack.us/img841/632/58078444.png

 

خخخ لحد يعلق ع العبارة XDDD ماش ماعرفت ايش أكتب !

وقتها تمنيتني زي صديقتي دايم تقرا أشعار و اقتباسات ، لدرجة أي شي تمر فيه تلقين بيت الشعر جاهز XDD

يوم سويت ذي اللي فوق تعبت لأن خاصية الحد مو راضية تضبط معي !

و الحدود كلها تطلع و كأن عليها تمويه ! فاعتمدتها بدون حدود

 

بعدها ضبطت الحد و جربت ذي

 

https://i2.wp.com/img191.imageshack.us/img191/6168/cuuuuutehuhwhocaresnobo.png

 

حبيته *قلووووب* حسيته يعبر عنّي ! شخصيتي في لوحة XDDD

مرة كنت مبسوطة يوم خلصته ^////^ على قولة جي كأني مخترعة الذرة XDDD

 

– و لبداية جيدة بعالم البن تول انصح بهالفيديو ، الشرح واضح و يبين الأساسيات و كيف تشتغل الأداة

 

 

– و هنا مدونة عربية فيها دروس للبن تول : ) ” من العسلة ضحكة الدنيا”

 

النصايح لهالأداة : )

– لا تملون من أول محاولتين ! ترا بداية التحكم بالمنحنيات بتخلي شعركم يشيب ! بس بعد التعود كم مرة ، بتبدون تعرفون كيف تضبطونها

– لا جيتوا بتحددون شي مو لازم تمشون الباث من أول نقطة بالرسمة للأخير ! يمديكم تسونها منحنى منحنى ! بحيث إنه كل منحنى تحددونه

ثم  تحذفونه و تبدون جديد !

– صح مو شرط الشخص يحترف الباث ! بس فعلاً أداة جميلة و مفيدة في شتى الميادين ! أهمها عمل اللوقو !! دايم بمشاريعنا بالجامعة يكون

اللوقو من أهم الأشياء بالمشروع ! خصوصاً لو سوينا برنامج أو موقع ! فدايم نستخدم برامج تسوي لنا لوقو ! بس مع البن تول يمديك تسوي شعار مميز لنفسك ! ; )

– بما إن البن تول بالفوتوشوب و هو برنامج غني عن التعريف ! أشوف الاستخدام فيه جدن سهل ! أسهل من الكورل درو بكثير !! و الواحد يتعلم فيه بسرعة : )

 

 

/

 

 

طيب نجي للقسم الثاني و هو أداة الـBezier tool اللي بالكورل درو

أداة جميلة ! و البرنامج كله قائم على رسم الفيكتور – يقولون الإصدارات الجديدة تدعم الصور النقطية –

فدامه متخصص بتلقون للأداة أزرار كثير تأثر عليها ، و هالشي بغى يشيب لي راصي !

لين لقيت هالسلسلة التعليمية 3>3>

جدّن مفيدة ! ماتعلمك ترسم شي معين ! بس بكل درس بتعرف خاصية جديدة بالبرنامج و عن تجربة

بعد ماطبقت فقط دروس المبتدئين قدرت أطلع هاللوحة كتجربة أولى

 

https://i2.wp.com/img843.imageshack.us/img843/9902/garra.png

 

ثم قلت لازم أرسم شي تفاصيله أكثر ! و رسمت هذي *واقعة في الحب*

 

https://i1.wp.com/img607.imageshack.us/img607/4641/fish.png

 

حبيتها بكل تفاصيلها ! بكل ألوانها ! و خصوصاً ضحكة السمكة الحقيرة XD

بس واجهت في هالبرنامج صعوبات شوي =____=

أولها إن النسخة اللي نزلتها بروتابل ! و بطيئة تعل القلب ! إذا جيت بحدد اللي رسمته أو بعبيه بلون !

أجيب كتاب أقراه من البطء !! منجدي ترا ماأتريق ! طول مرحلة التلوين و أنا ماسكة كتاب بيدي وشوي حولت جبت كراستي

أرسم فيها عبال ماتطلع لي نافذة التلوين :/ هالشي أكثر شي ممكن ينفرني من البرنامج !

حاولت قبل كم شهر أثبت النسخة الكاملة بس ماتثبتت و صار الجهاز معاد يثبت الكورل درو بأي طريقة :/

عموماً دامني فرمت جهازي قبل أمس ، أفكر أرجع أجرب أثبت النسخة الكاملة منه يمكن تتثبت : )

بس لو استمر هالبطء ، أفكر جدياً أقلب ع الاليستريتور دام عندي النسخة الكاملة من آخر إصدار منه :/

 

– فيديو لرسمة فيكتور بالكورل درو

 

 

مواصفات البرنامج : )

– شغل المنحنيات خطير ! حبيت الشغل عليها أكثر من البن تول مدري ليه !

– النتيجة فتاكة ! و بما إنه يطلع صور فيكتور فقط -حسب إصداري- فالشغلة عاجبتي شغالة تكبير و تصغير بالرسمات و لا تتغير أبدددن

– ماحبيت كثرة الأداوت المساعدة له :/ تشتت ! بس يمكن لو تعودت عليه تصير عادي !

– البطءءء ~~ ! شي يقتل الحماس و يعدمه بلا رحمة ! أجل ماسكة الكتاب بين كل تلوينة و تلوينة ! ماصارت !!

– نظام الألوان فيه خطير و لو إنه مافيه الأداة اللي تمتص اللون و هالشي سبب لي صدمة عاطفية تنضاف للبطء !

– طريقة التحديد ماحبيتها أبد ! أحس إني لسه ماتعمقت في نفس أداة التحديد ! لأن الخيارات جدن قليلة ! بس شفت رسمة وحدة

بالكورل درو و كان تحديد رسمتها يجيب العافية ! فأتوقع إنها خطوة للحين ماوصلت لها : )

 

/

 

و هنا قلبت ع البن تول بعد ماانعل قلبي من بطء الكورل درو XD و طلعت رسمة شي مدري وشو XD بس فاقد حنان XDDD

 

https://i1.wp.com/img191.imageshack.us/img191/818/hugme.png

 

برضو حبيته XD بس ماودي أقابله في الواقع XD

و هنا تنتهي تجربتي لليوم السابق – ماعدا أول رسمتين من كم يوم راسمتها – : )

 

-و خلاص قررت تكون هذي طريقتي التعليمية : )

إذا استفدت من أي موقع أو فيديو – فعلاً مفيدين – راح أطبق و أعرض شغلي + الروابط المساعدة عشان الكل يستفيد : )

أفضل من سالفة الدروس اللي مالها سنعXD

– أي أخطاء إملائية تغاضوا عنها أكتب و الأنوار طافية –

4 thoughts on “Path Tool <3

  1. امم تصدقين كذا احسن يعني لو احد رسم يمكن تطلعله نفس نتيجتك
    او ازين اشين الخخ بعدين يحس انه ماضبط ويعصب وتخرب النفسيه
    بس بعد مايشوف نتايجك يدري انها ماشي صح لذا كذا مفيد اكثر :)
    اما الماء سر الحياه حسيتني حفل امهات xd
    الي خلفيتها صفرااء مررره حلوه اهنيك عليها
    كل هالرسمات شفتها بمشاعري رسمات تعبيريه ولا ادري ليش ض1
    احلى واحد الي فيه قحط عاطفي خخخ
    بالله وش فكرك وانتي ترسمينه ههه
    النتايج حلوه ومعبره واهنيك عليها :) ق1ق1
    ومثل ما انا مخليه المدونه فيها صوت فانتي مخليه النت اونس
    دايم لا مالقيت شي على طول افكر بمدونتك
    لاني ادري انها بتونسني ^^

  2. صح ، ع الأقل لو أحد بيجرب حظه حتى لو مو مرة مع الرسم
    راح يستفيد إن شاء الله : )
    خصوصاً شغل الباث أحس مو بس الرسامين اللي يحتاجونه : )
    خخخخخخخخخ اتركي عنك الماء سر الحياة هذي XDDD
    ماش مافي قريحة تعبيرية تطلع جملة ع الموقف XDD
    قحط عاطفي خخخخخخخخخخخخخخ أبد ماكنت أفكر بشي XDD
    المشكلة يوم خلصته حسيت بشعور خوف منه !
    أحس لو كان شخصيّة فعلية ّ راح يحاول يجذب الناس بإنه يبي يحضنهم ! بس في الحقيقة من يوم تقربين منه راح يفتح فمه اللي راح يكون كبير جداً و يبلعكِ ! <~ فيس متأثر بفيلم ميازاكي أبو الاوسكار XDDDD
    حوبيلك و الله ق1ق1ق1 الله لا يحرمني من هالطلة ق1ق1ق1

  3. هذه الأداة رائعة رائعة جدًا !
    أعشق التعامل معها أكثر من التابلت،في البداية التعامل معها يكون ممل جدًا ومتعب،لكن مع الوقت تصبح أداتك الصديقة الصدوقة :P

    كتبت عنها هنا بشكل سريع يوضح طريقة عملها في مدونتي المهتمة بالفنون الرقمية ^_*.
    http://4digitalart.wordpress.com/2011/09/02/%D8%A7%D9%84%D8%A8%D8%A7%D8%AB-%D8%A8%D8%AF%D9%8A%D9%84%D9%8B%D8%A7-%D9%84%D9%84%D9%82%D9%84%D9%85-%D8%A7%D9%84%D8%B6%D9%88%D8%A6%D9%8A/

    على فكرة أسلوب رسمك مميز فعلًا ويشبه كثييير أسلوب الرسم الياباني خصوصًا “المانغا”،الله يوفقك :)

    • الشرح في مدونتكِ جداً بسيط و جميل : )
      نفسي أتقن هالنوع من الفن ، أحسه إضافة كبيرة في رصيد الفنان ق1
      شكراً جزيلاً على مرورك الجميل ق1

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s