رحلتنا للوادي :)

السّـلامُ عليـكُم : )

كيفكم يا قوم !؟ أخباركم مع البرد المفاجيء اللي تونا نقول خلص و يرجع أقوى من قبل XD

أبد ما قعدوا على راصي و تراه برد برج العقرب و خراط الأحوال الجوية كله في ذني XDDD

عموماً شكلها الكحة الأخيرة من البرد بعدها نرجع لحرنا ، جنتنا و نارنا XDD

 

بما إننا رحنا الوادي ، قررت أصور لكم كم منظر من هناك يدل على حياتنا اليومين فيذاك !

و بما إني اتخذت هالخطوة بآخر يوم لنا هناك ، فما راح أغطي كل شي ، فقط الرحلة الصباحية على أرجاء القرية XDD

 

أول شي ، هالرحلة كانت حول الساعة 7:30 صباحاً

هالرحلة تعتبر دورية شبه واجبة علينا كل مارحنا الوادي ، و كانت لقروبنا العزيز

أنا و أختي و خديجة -خالتي الصغيرة- و نورة -بنت عمي-

كنا ببيتنا من صلاة الفجر لين ما قبل موعد الرحلة ، شاردين من البرد و نشرب حليب بالبن ق1ق1

ثم قررنا نطلع : )

المفترض نروح الجبال كالعادة :/ بس الحقيرات كانوا نعسانين و يبون تمشية أبو سريع

خصوصاً إننا في اليوم اللي قبله رحنا الجبال و خلصنا كل أبو المغامرات اللي بروصنا XD

 

فطبعاً أول خطوة سويناها ، طلعتنا من البيت ليقابلنا جيبنا عند البوابة : )

https://i1.wp.com/img25.imageshack.us/img25/7006/dscn7345a.jpg

 

مسكنا بعدها أول لفة يسار – اللي هي البرحة اللي بين بيتنا و بيت جدي –

و طبعاً المنظر المعتاد هناك :/

https://i2.wp.com/img25.imageshack.us/img25/393/dscn7346.jpg

 

سيارة ولد عمي اللي سوابها حادث :/ تمثال الحرية ! الأهرامات ! المومياء التي لا تموت !

هالسيارة كانت عشق ولد عمي و كان يحبها و كأنها بنته أو أهله ! تعرفون حب دين للإمبالا ؟ أبد ولد عمي يحب هالكابرس بنفس القوة !

لدرجة مو راضي يرميها و مخليها نصب تذكاري جمب بيتنا :/ و دايم يقولون لنا الشهود العيان إنه يجي يقف على الأطلال لفترات طويلة !

و البعض كان يقول إنه بأول أيام الحادث كان يبكي على محبوبته بس الحين عقل و آمن بالقضاء و القدر و شراله نفس السيارة بالضبط :/

و يقولك “من الحب ماقتل” :/ لله درك يا ولد عمي :/

 

بما إننا لفينا يسار ، فمشينا من بين بيتنا و بيت جدي :/ و لقيت ورود صفراء ماأعرف نوعها ، حبيت ألقط لها صورة كتذكار للنباتات الصحراوية

https://i1.wp.com/img829.imageshack.us/img829/6996/dscn7348i.jpg

 

و بعدها المومياء الحقيقية !

https://i0.wp.com/img841.imageshack.us/img841/3613/dscn7355.jpg

جميع أنواع العظام ! عظام جمال و عظام غنم و ممكن بشر ! الله أعلم !

هنا فك لغنمة مقتولة مدري عنها هي ضحوا بها في العيد ، و إلا كانت ضحية واحد من الذياب :/ بس عظمتها حقيرة من أول ما تحللت :/

 

بعدها جلسنا على جدار حوش عمي اللي ورى بيتنا مباشرة ، و شفت زهرة تصارع من أجل البقاء و جمبها جرة خنفس “آثار خنفساء”

https://i2.wp.com/img204.imageshack.us/img204/7610/dscn7363o.jpg

 

التفت حوليني و قلت ألقط لي كم منظر حولي : )

https://i2.wp.com/img824.imageshack.us/img824/1653/dscn7371f.jpg

زربة جدي XD – حظيرة الأغنام” بالعربي XD

هالزربة من متى ماشاء الله ! من يومي بزرة ! من قبل ما أنولد !

الحين لأن جدي مو بصحته الأولية فباع أغلب الغنم و مخلي بس النقوة ، و إلا أول ! الله يالذكريات ق1ق1

كانت بيني و بين غنم جدي علاقات قوية و حبيبة ق1ق1ق1 الحين كل غنمه عرابجة ينخاف منهم !

تحسهم عصابة لو قربت منهم يا ينحاشون يا يطالعونك بحقد :/ ماعاد أحبهم :/

على الطاري ! هل تعلمون إني مرة شاركت في ذبح خروف أيام عيد الأضحى !!

أنا مدري أهلي وينهم عني ! المفروض الاطفال مايشوفون هالمناظر أبببد !

أذكر كنت وقتها بزرة و صحيت أول وحدة من البزارين حتى الشمس لسه مابانت بس نورها طالع !

لقيت خالتي و خالي و جدي رايحين جهة الزربة ! قلت لخالتي : وين بتروحون ؟

لمعت عينها و قالتلي : انقزي جيبي السكين من الدرج و تعالي !

و شالوني معهم و خلوني أمسك رجلين الخروف ! قسم يا رفسني ترفييييييس ×___×

آخر شي جات خالتي ساعدتني في رجلينه شوي ×___×

ثم رأيت المنظر البشع يوم خالي يقطع عنق الخروف و يسيل الدم بغزارة و يزيد رفسه و يزيد ألمي الجسدي و النفسي !

يوم رجعت خالتي تبتسم لي : ها كيف ذبح الخروف ؟ حماس صح ؟ سهل صح ؟ XD

للمعلومية خالتي ذي زاحفة أفلل مخلوقة في الحياة خخخ دايم أقول اللي ماعرفها فاته نص عمره XD الله يحفظها لنا ق1ق1

 

طيب نجي لصور ماوراء الزربة ، جهة الجبال

https://i0.wp.com/img268.imageshack.us/img268/9400/dscn7372.jpg

https://i2.wp.com/img265.imageshack.us/img265/1676/dscn7379.jpg

https://i1.wp.com/img805.imageshack.us/img805/125/dscn7380.jpg

https://i0.wp.com/img140.imageshack.us/img140/9227/dscn7382.jpg

 

خضار يفتح النفس و يجيب العافية ق1ق1 صح ؟ :$ ق1ق1ق1

آخر صورة حسيتنا بسافانا أفريقيا XDDD

 

و طبعاً ، أهم معلم من معالم قريتنا المصونة – قصر المصمك حقنا – XD

https://i0.wp.com/img716.imageshack.us/img716/967/dscn7389.jpg

هالبيت ، لواحد عندنا كان مسبب لنا رعب ! لأن بيته فوق الجبل !

فاهلنا يقولون لنا تراه يراقبكم بدربيله – بمنظاره – و حنا ميتين ضحك عليهم خخخخخخ

كان حاط كلاب حراسة و كانوا مسببين رعب مو طبيعي في القرية ! لين اشتكوا الناس عليه عند الكبارية و تخلصوا منها <~ تحسونهم في مسلسل قديم في الريف خخخخ

 

 

بعدها لفينا و كملنا يسار طوالي ، لين وصلنا عند مقبرة قريتنا !

المقبرة ، مع إنه شي معروف إن محرم زيارة النساء للقبور ! بس لأننا عشنا هناك و المقبرة بيننا حسيناها عادي

و معلم مهم من معالم القرية لازم ينزار ! – استغفر الله بس –

و وصلنا المقبرة ق1

 

https://i0.wp.com/img196.imageshack.us/img196/6117/dscn7400.jpg

 

أحلى منظر لقطته كاميرتي ! ربااااه الخضار هناك رهيب و واضح زين مو مثل الجبال نص خضار نص رمال XD

طبعاً بعدها انطلقنا عند المقبرة نشوف كيف شكلها من جوا ، خضراء و إلا لأ : )

 

https://i0.wp.com/img833.imageshack.us/img833/2129/dscn7408e.jpg

 

ظلالنا XDD علامة الجودة  XDDDDD

المقبرة مايبان فيها فلان وين قبره و فلانة وين قبرها :/ اللهم نفس الكبارية عندنا يعرفون :/

أذكر جد أمي دايم يوم نروح هناك أهلي يأشرون على قبره :/ بس جدي و جدتي و جدتي الثانية قبورهم بمكة :/ مو هناك :/

 

https://i0.wp.com/img204.imageshack.us/img204/6682/dscn7414n.jpg

و هذا مسجدنا : )

دايم يوم كنت صغيرة كنت أستغرب ليه يقولون للمسجد “مسيد” ؟ أثاريه أيام زماااان ! كويتي زار قريتنا و كان يقول “مسيد” !

فأهلنا من حبهم له قلبوا النطق لـ مسيد :/ مع إني أحسها ترقيعة XDDD لأن مو نفس النطق :/ عموماً ذا مسجدنا المليان ذكريات مجنونة ق1

يوم كنا صغار كنا داااايم نروح هناك بعد الصلاة و خصوصاً يوم الرياجيل يطلعون كلهم !

و نجلس نلعب في الموية و نروح نجرب نشغل المايك XDDD أذكر ولد عمي مرة شغله و أكل تهزيئة محترمة من عمي XDDD

 

بعدها لفينا حول المقبرة عشان نوصل لبوابتها ، و لقطت هالمنظر

https://i1.wp.com/img651.imageshack.us/img651/1807/dscn7418.jpg

خخخخخخ حتى العواميد أزهرت XDDD و صار شكلها يفتح النفس XDD

ليتكم تشوفون كل هالصور أيام الصيف ! شي يجيب الهم XDD

 

https://i1.wp.com/img718.imageshack.us/img718/8246/dscn7420.jpg

هذا الممر المؤدي للقرية المجاورة !

زمان كان بيننا و بينهم مساحة كبيرة ! بس كل شوي تتقلص لين صار بيننا هالطريق :/

دخلنا القرية الثانية و لفلفنا شوي و رجعنا لطريقنا نحو البوابة

 

https://i2.wp.com/img834.imageshack.us/img834/4499/dscn7429.jpg

و لا زلنا متجهين نحو وجهتنا XDDD و لا زالت ظلالنا علامة الجودة XDDD

 

https://i0.wp.com/img821.imageshack.us/img821/1103/dscn7430.jpg

عامود الكهربا داخل عرض XDDD

 

https://i2.wp.com/img199.imageshack.us/img199/6134/dscn7431i.jpg

 

وحدة من الجدات ترعى غنمها – الله يعطيها الصحة و العافية –

فيه ناس للحين هناك متمسكين بحياة ماقبل التطور : ) فعلاً أحترمهم : )

منهم جدي و هالجدة الجميلة ق1ق1ق1 أصلاً الحماس في الوادي يوم تشوفين هالنوعية من الناس !

لأن حياتهم مو مثل حياتنا : ) و أكيد راح نستمتع و احنا نشوف الفروق ق1ق1

 

و أخيراً بوابة المقبرة XD

https://i0.wp.com/img832.imageshack.us/img832/8080/dscn7440d.jpg

 

https://i2.wp.com/img25.imageshack.us/img25/7052/dscn7438s.jpg

 

جلسنا نسولف هناك و نتفرج حولنا ، لين حسوا البنات إن النوم كابس عليهم و قررنا نرجع البيت

و طبعاً كالعادة أنا و أختي نوصلهم بيوتهم لأن بيتنا بآخر القرية :/

 

https://i2.wp.com/img69.imageshack.us/img69/5668/dscn7443k.jpg

 

هالصورة بطريق الرجعة ق1 حبيتها جدددددن ق1ق1ق1

حسيتها جد من الريف ، كذا مدري كيف أحسها حلوة ق1ق1

 

و بكذا خلصت رحلة صباح الجمعة إلى أرجاء القرية XDDD

كانت تمشية جميلة ، مع إني تحسفت إني ماصورت تمشيتنا للجبال لأن الحماس دااايم هناك ق1ق1

يلا إن شاء الله المرة الجاية : )

 

– و بداية ترم سعيدة XD-

3 thoughts on “رحلتنا للوادي :)

  1. فيااااافي من جدك 0-0 ابدعتي يافتاه ق1ق1ق1
    تدوينه ولا اروع احلى شي السياره ههههههه
    من جده حابها سبحان الله كلن له من يحبه <<< فيس يناظر اخته خاقه على خالد عجاج
    مناظر خلابه صراحه تجيب العافيه
    ودي اعلق على كل صوره عادي ؟؟!!
    اهم شي انك حاضره القتل انا من يوم انا بالمهاد
    وهم يقولون خليهم يشوفون مدري هم يعودونا عالمناظر الموحشه ولا ايش بس اذكر يوم انا بزر اناطط عندهم ولا مات قلت
    ههه دم !!!
    المشكله البنات الي كانو معي مايخافون الحين لا شافو او شي
    قالو يع وبدو يظهرون الانوثه الي ذابحتهم ض1ض1ض1ض1
    بس تدوينه جميله جميله اهنيك عليها وعلى الكلام الي يوسع الصدر
    هاه عساك خميتي عمود الكهرباء خخ
    مشكوووره ق1ق1

  2. ايه صحح والله يا انا تنحت عند ذيك البدويه او الراعيه او الي تبين يعني فيه احتمال نشوف هالشكل بغير الافلام الابيض والاسود !!
    سبحان الله عندها بنات عندها حياه هاذي 0-0 شي غريب عجيب مره
    بس اعجبت بها صراحه مهما ماتطورت التكنولوجيا ضاله متمسكه
    بحياته ض1

  3. أهلاً جي : )
    أبد أمسكيهم و علقي عليهم D:
    خخخخخخخخخخخخ ياشيخة لا تسأليني ليش يخلونا نشوف الذبح !
    أصلاً يوم رجعت البيت لأن خالتي عززت فكرة إن الذبح حماس و سهل
    قلت لازم أحضر مرة ثانية <~ انغسل مخها XDD
    بس الحمدلله معاد شالوني بعدها ، بعد الحالة النفسية اللي جاتني بعد ماشفتهم يسلخونها
    حتى وقت السلخ شالوني خخخخخ
    بس تصدقين نعمة من ربي الشمس وقتها توها تطلع و كنا بظل الزربة فما شفت الدم زين ^^ و إلا كان انهبلت من قلب

    ايه من صدق هالجدة ! و فيه غيرها جدات ! بس بعضهم عجزوا خلاص و جابولهم راعي بدالهم ! حتى جدي أظن بس يتسلى بغنمه و جايب له راعي يوقف عليها : )
    و هالجدة عندها عيال و بنات و أحفاد و حفيدات ، و ماشاء الله يخدمونها بكلش حتى دايم يعرضون عليها يجيبون لها راعي يهتم بغنمها ، بس مو راضية ! تقول “أنا بعدين ايش أسوي؟”
    أحس يوم أقعد مع الكبار طريقة تفكيرهم مو مثلنا ، احنا نبي الراحة و التسدح ، بس هم ! لو فات يومهم و هم ماسووا شي عدل يزعلون :/

    خخخخخخخخخخخخخخخ عامود الكهربا XDDD مبين إني في حالة عشق معاه صح ؟ XDDDDD أنا هناك أمشي و أطالع العواميد من تحت لفوق XDDD

    نورتي ياسكر 3>

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s