Weekend ≧▽≦ ! .. Janaiii

 

يُوم الثلاثاء

– أمّي ، خالاتي جايين بكرة ؟

– لأ ، بكرة عزيمة جدّتكِ

– أوه جد ! أنا كالعادة مابروح : ) بجلس مع أبويه في البيت

– حتى أبوك بيروح معانا : )

– منجد !! أبوياااه منجد !!!

– ………..لحظة صمت………… مشوار الوادي فلازم أروح معاهم

” لحظة صمـــت ….”

صرااااخ – الواااادي !!!!! ليش الوااادي !!!!!؟ قبل عشر أيام راجعين منه !!!

رجوع للواقع – آهـ يعني رايحين العزيمة و بتسمرون هناك ، عادي أروح عند خالتي لين تجون : )

أمي ترمقني بنظرة – جالسين هناك خميس و جمعة

…………. فقدان وعي ………..

– لو تبين تروحين عند خالتك ماعندي مانع <~ أمي تبي تتخلص مني بأي طريقة عشان ماأخرب عليهم الطلعة XD

– لاااااااااااااااااااااااااااااااااع !!!! ليش تخربون علي أول ويكند ليييش !! عندي مخططات كثيرة ماأبغى أروح الوااادي !!!

رمقتني بنظرة ثانية – ايش مخططاتك ؟

– أ …. أأأأ….. مخططات و بس !!! ماأبغى أرووح !! روحوا العزيمة و تعالوا الفجر !! بس لاتجلسون هناك !!

– لأ ، عيالي يبغون يتمشون و يغيرون جو ، زي ماقلتلك ماتبغين تجين روحي عند خالتك !

– ليش تمشون كلمة عيالكم حتى أنا مشوا كلمتي ! و الأهم ! خالة بيتها مليان جن و الله أخاف أنام عندها !

– مشكلتك :/

– أبووووياااااااااه !!! لا تروح معاهم خلينا نجلس هنا في البيت لحالنا !

– يابنتي ، و من يوديهم و يجلس معهم و يشتريلهم !

مشاهق و حالة – ماأبغى أرووح !

– …………………………………………….. تطنيش

 

https://i0.wp.com/media.tumblr.com/tumblr_lgrly7JbDJ1qakhd4.png

 

و من أمس و أنا أفكّر ! أروح و إلا ما أروح !

أهلي عادي يخلوني عند خالتي :/ بس خالتي بيتها منجد ! بيت الرعب بدون منازع !

عدد اللي شافوا فيه الجن لا يعد و لا يحصى ! و يطلعون بالليل خصوصاً و يتشكلون على هيئة أحد من البيت !

بسم الله الرحمن الرحمن (. ◐ x ◐)

فـ فعلاً يوم أروح عندها تجيني حالات أرق مو طبيعية !! ما أنام و أخاف إذا نمت خالتي تطلع و إلا شي :”(

– مرة سوتها فيني ، نمت و قفلت كل لمبات البيت و طلعت السوق ! الله لا يعيد اللحظة اللي صحيت فيها من النوم ذا اليوم ! الحمدلله ماانهبلت بس !!! :”(

فـ مرة أعيش بحالة رعب و ترقب و بس أتصل على أهلي عشان أستعجلهم في الرجعة :/

 

و من جهة أخرى :/ لو رحت الوادي راح أجلس أغلب الوقت في البيت :/

حتى ليت فيه تليفونات عشان نجيب نت :/ ماش :/ حتى عندنا كونكت موبايلي بس الشبكة هناك زبالة :/

بس لو رحت معاهم بـ بر في أهلي و ماأتعبهم خصوصاً أبوي لأنه يشيل هم لو جلست لحالي في مكة :/

استغفر الله :/ دايم هالحركة تصير كل مارحنا الوادي :/

صرت أقرى كتب البرمجة العصبية من جديد عشان أتذكر كيف الواحد يخدع العقل اللاواعي و يقنعه بإن الشي

اللي يشوفه وحش ، تراه كويس :/ بس ماش :/ عقلي اللاواعي مصمم على كرهه الشديد للوادي :/

 

خسارة :/ شكلي برضخ للأمر الواقع كالعادة و أروح معاهم :”(

كان ودي أكتب لكم اللي صار بأول أسبوع دراسي و كيف راح يكون تدريبنا هالكورس :/

بس شكله ماش :/ نتقابل إن شاء الله ليلة السبت :”(

 

– ايه و أزيدكم من الشعر بيت ! أمي يوم درت عن سالفة الإجازة اللي يوم السبت قالت بنمدد القعدة لين يوم السبت

و بعد انتفاضات و مظاهرات وافقت نرجع الجمعة =______________=

 

– فيافي ، ماكل مايتمنى المرءُ يدركه ، ربّ امرءٍ حتفه فيما تمنّاهُ ! <~ اللي هي القعدة عند خالتي خخخخ XDDD

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s