تفكّر !

السّلامُ عليكُم و رحمَة الله و بركاته

يووه من كم يُوم ماكتبت ؟ هالترم زحمَة من قلب !

المشكلة بين فترة و فترة تجيني أفكار لتدوينات بس ماش المزاج مايخدمني : (

 

https://i0.wp.com/www.elbassair.com/bank/images/idea.gif

 

اليوم جيت أسولف معكم شوي ، حول موضوع مسببلي فضول !

تعرفون ” السّنن الكونية ” ؟

السّنن الكونية هي أمور لو سويتيها فنتيجتها ثابتة ! سواءً للمسلم أو الكافر !

لو أنفقت من مالك ، راح يرجع أضعافه ! حتى لو كنت كافر ! لأن هذي سنة كونية !

حتى بيل قيتس مستغرب منها ! إن الدولار اللي يطلعه على المحتاجين يرجعله 10 !

سنة كونية ، غير كذا لها قيمة كبيرة في ديننا و عليها حسنات لا حصر لها

 

سنّة كونية ثانيَة ، الاعتبار من قصص الأقوام الذين سبقونا !

أحسها سنّة منسيّة للأسف !

قط جربتوا مرة تقرون عن الأقوام السابقة من كتب غير القرآن ؟

في القرآن الكريم تنذكر القصص بشكل يبين عذابهم و ليش استحقوه !

جربوا تبحثون في النت عن قوم ثمود أو قوم عاد !

أقروها بتمعن و شوفوا وش سووا و كيف كان عذابهم !

لأننا لو اتبعنا خطواتهم راح نتعاقب بنفس عقابهم !

 

أمس كان عندي اختبار قرآن “تسميع الجزء الرابع”

و فيه كذا سورة تحكي عن كذا قصة للأقوام السابقة

قلت يابنتي معلوماتك قليلة روحي أقري شوي عنهم

و قريت قصة ثمود من ويكيبيديا !

ربّـااااه !

رعب !! رعععب يوم تقرونها بتوسع !

ماتصورتها كذا ! و ماتصورت عذابهم كان بالطريقة هذي

اللي دايم أسمعه إن جاتهم “صيحة/صاعقة” و أخذتهم و هم ينظرون !

بس يوم تقرون كيف إنهم قبلها بثلاث أيام يوم قتلوا الناقة !

أول يوم اصفرت وجوهمم ! ثاني يوم احمرت ! ثالث يوم اسودّت !

لدرجة يوم أيقنوا إن العذاب جايهم جايهم راحوا صنعوا توابيتهم و كفنوا أنفسهم !

و صاروا يستنون العذاب هو بيجيهم من الأرض و إلا من السماء !

رباه ! للحين أحس بالخوف ! مجرد التفكير بهالشي يخلي الجسم يقشعر !!

الله لا يورينا قدرته :”( يارب اغفرلنا كل خطايانا يارب :”(

 

برضو قوم عاد :”( و سالفة الأجنبي اللي لقى مدينتهم “إرم ذا العماد” او مدينة عُبار زي مايقولونها !

يوم فسروا إن هالمدينة كانت جنة خضراء و تحتها نهرين ! و عللوا سبب موت أهلها و طمسها بعاصفة رملية !

حتى النهرين اللي تحتها جفوا تماماً !

مادروا إن اللي جاهم ريح صرصر عاتية ! ريح أي شي تجي عليه تخليه “كالرميم” ! ريح قشعتهم قشع سبع ليال و ثمانية أيام !

في يوم نحسٍ مستمر !! يا الله !! شي مخيف ! احنا غبار كم يوم سوينا رجّة ! عاد كيف هم :”( أعوذ بالله من هالمصير

 

فيه برضو من السّنن الكونيّة ، السنن اللي تجعل أي مجتمع ناجح ! و له قيمة ! حتى لو كان مجتمع كافر ذو قيادة كافرة !

كانت عدة صفات لو الكل اتبعها راح ينجح هالمجتمع ! للأسف ماأذكرها كلها و لا ودي أفتي فيها

بس لو بحثتوا بقوقل بتطلع لكم ! يوم قريتها فعلاً اقتنعت بإن حالتنا مابتتغير لين نغير أنفسنا !

مشكلتنا نعرف الحل و مع ذلك مانتبعه ! نعرف إن احنا غلط و نعرف مكمن الغلط و مع ذلك ما نتحرك !

لو ربي كتب لي و سويت مجتمع عمل خاص فيني راح أحاول إن شاء الله أنمي فيه هالسنن الكونية !

 

كل مابحثتوا ورى السنن الكونية ! راح تحسون إنها أشياء معروفة أو أسس من ديننا ، بس وين اللي يطبّق !

و الله يهدينا لما يحبّ و يرضى : )

2 thoughts on “تفكّر !

  1. اللله عليك يافيافي لا من جد حققتي الي تبين صارت المدونه اكثر من مجرد قرق مع اني كنت احب السواليف ض1ض1
    بس بما انك انتي تبينها مفيده بغيت اقولك حققتي مبتغاك
    التدوينه رهيبه توي اعرف بالسنن الكونيه خليتيني غصبن عن
    اروح اتامل وكيبيديا واقرا واتهول شكرا لك …….

  2. ياه جد : ) حلو أجل إن فيه تقدم ملحوظ XD
    ايه شفتي كيف *____* أنا عرفتها من دكتورة بعدين فجأة دكتور ثاني
    كان يتكلم عنها ! فجأة حسيت إن كل الناجحين ماشين عليها *_*
    و يوم بحثت وراها اكتشفت إنها أشياء من ديننا بس احنا غافلين عنها لازم نسمعها من غيرنا عشان نصدق : ( للأسف

    إن شاء الله استفدتي منها ، و الله يكتب لنا اللي فيه الخير منها ق1

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s