قديمك نديمك

السّلام عليكم و رحمة الله و بركاته

– رمضان مبارك متأخرة – ^^”

https://i2.wp.com/img89.imageshack.us/img89/3130/ramadannu.png

لي كم يوم أفتح المدونة أبي أكتب فيها شي بس ما يمديني !

هالرمضان زحمة بشكل =____= مع إني ما أذكر إني سويت شي يذكر ؟ =___=

حتى ما تابعت و لا مسلسل =___= و أختي تناظرني باستغراب “ليه تحسبين نفسك كنتي تتابعين شي الرمضانات السابقة؟”

أول مرة أنتبه إني ما أتابع شي <____< و إذا جلست على مسلسل أجلس لأنهم جالسين يشوفونه <____<

و اللي منجد يقهر إني ما حسيت بهالرمضان أبد :”( حتى العمرة اللي سويناها كانت شغل سريع سريع

كنت بكتب عنها زي عمرة السنة اللي فاتت بس هونت =____= ذاك اليوم عصبت عصيبة شنيعة ففضلت أنكتم لا أخربها =__=

ايه ايه نرجع لموضوعنا لهالتدوينة (قديمك نديمك لو الجديد أغناك)

لي كم يوم أحفر ورى الأنميات القديمة و أدور حلقاتها و أعيش ذكرياتي الجميلة :”)

قلت بجيب كم واحد منها و نجلس نسولف عن أيام زمان

أي أحد من مواليد الثمانينات بيفهم شقاعدة أقول ض1

نصفُ بطل

http://desmond.imageshack.us/Himg684/scaled.php?server=684&filename=12bu.png&res=medium

أحد يتذكره ؟ يا كنت أعشقه عشششق مو طبيعي :””””)

كانوا ذيك السنين طايحين بقصص الأب الميت و الأم الضايعة و هاتك يا صياح عليهم :”(

رامي بطل نصف بطل أبوه كان لاعب بيسبول مو صاحي بطل و مافيش زيه

مير إنه مات لظروف ما أتذكرها و جا ولدنا هذا و صار لاعب بالفريق

طبعاً من منظور طفلة أهم شي عندها الأكشن بالقصة ما كنت مستغربة كيف بزر في مثل عمري

يلعب بفريق بيسبول حق محترفين *_____*” !

يعني رامي بزر بالابتدائي و صار يلعب بنفس فريق أبوه إذا ماكنت غلطانة !

و تستمر مغامراته و هو يلعب و يسدد التسديدات الخرافية اللي الكورة تتحول لستة كورات و إلا تتغير ألوانها

و سبحانك يا ربي برضو في الفرق اللي يلعب ضدهم تلقون بزران زيّه و في بنت بعد <___<

أذكر كنت أكرهها ض1 كنت أكره أي أحد يزعل أبطالي بذاك السن ض1

كان أنمي جميل جداً ق1 ليتهم بس خلوه يلعب بفريق بزران كان رحت دورت على حلقاته ض1

طبعاً سالفة موتة أبوه مخليتني متعاطفة معاه و ادافع عنه بشكل مو طبيعي خخخخخخخخخ

بيل و سيباستيان

http://desmond.imageshack.us/Himg405/scaled.php?server=405&filename=sebaw.png&res=medium

يا كواتتك يا سيباستيان *____* كم كنت أحبّك انت و كلبك اللي كبر الحصان بيل *____* ق1ق1

هالأنمي كان عن بزر عايش عند جده و أظن عمته و زوجها ، و كان رافض يروح المدرسة ض1

المهم القرية اللي هو ساكن فيها يجيها كلب أبيض كبر الحصان و يبدأ مسلسل الرعب في القرية

العساكر يحذرون منه و يطلبون من الأهالي يقتلونه لو شافوه !

و يشوفه سيباستيان و تجيه حالة فضول إلا يبي يشوف هالكلب و يبيه يتربى عنده !

بعدها يتقابلون و تبدأ رحلة بحث سيباستيان عن أمه اللي في جبال مدري شسمها هو و سيباستيان ق1ق1

الأنمي يقوطر كواتة من هالولد و كلبه ق1ق1ق1

لبنى السريعة

https://i0.wp.com/www.lgraam.net/upload/uploads/images/lgraam-7788ad9dc5.jpg

هذي برضو من شلة “وين أمي؟” أذكر كنت ما أحبها بس كانت تجي بوقت مافيه شي ثاني ينعرض فيه

فكنا نتابعها شوي مع إني ما أذكر من القصة شي إلا إن هالبنت كانت سريعة !

أذكر كنت أحب أبوها خخخخخخخخخ بس له طعم ثاني يوم أشوفه الحين :”) ليتني أعطيته فرصة بس ق1

حماة الكواكب

https://i1.wp.com/img189.imageshack.us/img189/9753/sherrifes.png

البنت و أبو قبعة راعي البقر ناسية أسمائهم

الأشقراني اسمه السيف البتار و أبو بلوزة حمرا اسمه كرة اللهب ق1ق1ق1

كان ميكا ، الأربعة يتحدون و يطلعون روبوت ناسية اسمه <~ موتي كل شي ناسيته ض1

https://i0.wp.com/img832.imageshack.us/img832/2443/slam.png

<~ ض1

زيكو العجيب

https://i1.wp.com/up.g4z4.com/uploads/e60ceeadfd.png

برضو ينضم لشلة “وين أمي و أبوي” مسكين كلهم ضايعين في المجرة :”( قصدي في الكون :””””(

و هالضعيف قاعد يدور عليهم مع أخوياه :”( أذكر كل ما صاح على أهله أصيح معه :”(

أنميات زمان كانت تعور القلب :”( كانت فيها قصة مو مثلل الحين =_____= همف

التنين الصغير

https://i0.wp.com/www.aniriver.com/images/alteneen1.jpg

هالتنين البزر كان صاج أهلنا يبي يصير إطفائي :/ و أبوه يقوله كيف تنين ينفث النيران يصير إطفائي

مير الولد مصر و إلا بالغصب و إلا بالطيب تراه بيصير رجل إطفاء !

حتى أغنية البداية كلها مناحلته مع أبوه عشان هالشي ض1 كان لطيف كل يوم نجلس عليه الظهرية ض1

النسر الذهبي

https://i2.wp.com/www.zainup.com/upfiles/P8l38196.jpg

أو بمسمى أصح “بيبيرو”

قصة ولد يدور على نسر ذهبي و عنده حصان أبيض يجيه يوم يصفر !

عاد أطلق لقطة بالحلقة يوم ينزنق الولد و يصفر عشان يجي بيبيرو ض1

الواحد يتابع الحلقة و هو عارف إن فيه لحظة أكشنية يوم يصفر للحصان خخخخخخ

من الأنميات المنسية ما أذكر منه إلا الصفيرة اللي قطعتنا من الاكشن ض1

بسيط

https://i2.wp.com/www.adcarab.com/uploaded/36314_1265972269.jpg

الثور الفاهي الرهيب اللي مافيه أحد ما يحبه خخخخخخخخخخخ

يا كنا يوم نشغل الشريط نتسدح و لا عاد نقوم و لا نتكلم و لا شي خخخخخ

اللهم نضحك عليه ض1 فاهمين و إلا مو فاهمين أهم شي نضحك خخخخخخ

جونقر

http://www.mexat.com/vb/attachment.php?attachmentid=259671&d=1174175606

ياااااااااه :””””””( واحد من أساطير الميكا بالنسبة لي :”””””(

روبوت و يتحكم بنفسه بشكل شبه كامل :”””( كان حبيب و طيب و أغنية البداية حماس مجنون :”””(

و الحلقة الأخيرة حكاية ثاانية :”””””””( يا صحت فيها صيااااح ما بغيت أسكت :””””(

كان جداً جميل ق1ق1ق1

رعد العملاق

https://i2.wp.com/img515.imageshack.us/img515/4862/61464848.jpg

كان من أنميات الميكا اللي كنت أحبها و للأسف ذاكرته ممسوحة =____=

ما أذكر عنه شي أبد ! بس كأني قريت إنه كان أول أنمي ميكا طلعته اليابان *_____*

ودي أشوف أول حلقاته مرة ثانية عشان أفهم سالفة البزر ! حاسة إن وراه قصة هو وشنطته *_____*

رحلة عنابة

https://i1.wp.com/arabic-cartoon.com/images/rehlat_enaba_3.gif

شفتوه شفتووه شفتووووه !!!! كمية إبداع + كمية ضحك + شخصيات مجنونة = أنمي بطططططططل

كم مرة عدنا و زدنا فيه ض1 من شاف المارد المهبول اللي بس يضحك خخخخخخخخ

و إلا الأطخم ماجد ق1ق1 و رنا ق1 و شهدان الفاهي خخخخخخ غير وردان العلة خخخخخخخخخخ

لحد يفوته على نفسه ق1 مرة بطل الأنمي ق1ق1ق1

فارس الفتى الشجاع

https://i1.wp.com/www.tbeeb.com/ph/files/1/anime/fares_fata.jpg

هالصورة تستجدي دموعي بشكل :”””””””””””””””””(

من شلة أنميات “ماتوا أمي و أبوي” :”( يا أذكر كان يصيح كل العايلة :”(

حتى أمي كانت تدمع على أول حلقاته :”( مرة حزن مرة قهر مرة غبنة :”(

فارس أمه ماتت من يومه صغير و أبوه ملاكم ، في يوم أبوه كانت عنده مباراة مع واحد حيوان اسمه باسم النمر :”@

و يطلع من المباراة مهزوم :”( و ليتها قعدت على كذا لا طلع باسم الزفت ضربه ضربة مميتة على راسه :”(

و ما يموت إلا يوم شال ولده الملاهي يلعبه شوي :”( رجع فارس من لعبته و حاول يصحي أبوه و ما صحى :””””(

يا كانت لحظة قاتلة في ماضيي الأنماوي :”( بعدها جده و جدته أخذوه عندهم :”( و بدأ يجهز نفسه عشان يصير ملاكم

و ينتقم من الخسيس باسم النمر :”( و تستمر الحياة و تصير مواقف تبكي الحجر :”(

الأنمي يوقف قبل ما يكمل انتقامه بس شفت مقطع ع اليوتوب فيه لقطات من المانقا و فيها يفوز على أبو قذلة <___<

أتوقع اللي شافوه مستحيل يروح من ذاكرتهم :”””(

<~ غريبة متذكرته كله تقريباً خخخخخخخ

الرحالة الصغير

https://i1.wp.com/www.lepetitprince.net/sub_ehon/eikosha2.jpg

بزر غثيث يعيش لحاله على كوكب صغير على قده و تعيش معه وردة حمراء لها راس و يدين بس

كل شوي يروح رحلة لكواكب ثانية عن طريق لتعلق بأحد النجوم اللي تمر من جمب كوكبه

و كل حلقة حكاية جديدة له بكوكب جديد مع ناس جدد ! عاد أتوقع إنه بكوكب الأرض و كل شوي بدولة

بس ضيعت مدري عنهم =____= المهم إنه كان قمة الغثاثة كنا ما نشوفه إلا إذا ضاقت بنا الوسيعة

بس كان فيه شي مميز لو فكرت فيه الحين =___=

محاربو سكيليتون

https://i0.wp.com/images.wikia.com/luninaire/images/5/56/Skeleton_warriors_01.jpg

خخخخخخخخخخخخ ما أتوقع كثيرين للي يعرفونه ض1 بس كان فلة و أكشن و سكيليتون و ربعه

معطين جو الأشرار الفلاويين خخخخخخخخخخ ليتني ألقى حلقاته عربي ق1ق1 أظن ما يردني عنه إلا آخر حلقة ق1

بومبو
بسمة و عبده
الرجل الحديدي
سانشيرو
ساسوكي
رامي الصياد الصغير
النمر المقنع
الهداف
رانزي
رنا
السباق الكبير
الرمية الملتهبة
الخ الخ

فيه أشياء قديمة معروفة ما كتبتها لأنهم عادوها كذا مرة و صارت معروفة الحين زي قريندايزر و مازنقر و جزيرة الكنز و ريمي

الحلو زمان حتى لو الشي ما تحبه إلا إنك تعطيه فرصة غصب ض1 و ممكن تحبه بعدها و تبدأ تتقبله ض1

شاركوني وش كنتم تتابعون ؟ وش شفتوا من اللستة اللي حطيتها ؟

Advertisements

3 thoughts on “قديمك نديمك

  1. يووووه رجعتي لي ذكريات
    جونقر اذكر ان اخواني يحبوووونه، خصوصا لما يطلع النور من هالدائرة بصدره ويدخل فيها الولد

    نصف بطل مو مرة حبيته، اذكر تابعته بدون اهتمام، بس عندك فارس البطل الشجاع كان عذااااب ودموع وحاجة تكسر القلب
    لبنى السريعه اذكر الحلقة يوم انصابت برجلها، مااذكر نوع الاصابة بس ضاق صدري عليها وودي تحاول تعالجها وماتيأس XD
    بسيط: وه قلوب، يجنن ويضحك وممتع ومافي شي مثله
    رحلة عنابة هذي شفتها وانا اكبر، بس ممتعه خصوصا هالاميرة الغبية اللي يحبها هالرخمه، اللي يحبها كأنه تامكي- كن من اوران

    نجي للرحالة الصغير، على انه غثيييييث وبثر بس يمشي الحال،،، من يومين حملت كيدز بوك للايباد عنه قصته، صُعقت بالنهاية الاصليه،،، شي يبكي، لا شعوريا دمعت عيوني،،، عاد مدري هذي الرواية الاصليه كذا او الكتاب حرفها

    مشكورة ع التدوينة الممتعه،، ابد ماحسيتنا عجايز مع صور هالانميات المغبرة XD

  2. قررت انسى نك jay لانه يذكرني بالايام السوادء الي خقيت فيها على الكورين وادمنتهم خخخخ >_<
    فيافي يا فيافي ليش كل تدوينه تخليني اقول فيافي يافيافي
    لا بس هالمره عالجرح اعترف اني ماكنت اتابع الا حقات الظهر ولا راحت علي نومه صحت وقعدو يحرقونه علي
    اما بالعاده كنت المسترجله الي عاطيه خواتها طاف وناشبه للعيال لا جو عيال الجيران ولا عيال عمي قعدتي معهم
    واهايط عليهم ببالبلاي ستيشن ون اختراولي كورن فليكس كورن فليكس ( اقصد جفنتس خخخ )
    بس ولا واحد من المسلسلات عرفته 0____0 يعني خبري هو بجيل عهد الاصدقاء خخخ وكابتن ماجد وهالاشياء
    عهد الاصدقاء حاجه ثانيه الحلقه الاخيره معايط بس قومين ما اتوقع بفيدك
    بعديين تعالللي :‘‘‘( لالا انتي الي تعالي قسم ما امداني مسويته مب اني ما ابيك او شي
    اصلن احد عنده فيافي ولا يرزها بكل موقع مسجل فيه ويسحبها تسحيب ق1ق1
    ومشكوره عالتدوينه الجميله قومين ان تعليقي مو ذاك الزود :)

  3. انت اختي 0.0 ؟!

    احس نفس الطفولة بالضبط P: ، بس أنا زيادة على هذولي بما أني تسعينية كان جزء منها السنافر و التوأمان

    وكنت أكرره شي اسمه سالي -.-

    وكان فيه هذاك الولد اللي معه فار مدري هامستر وامه فيها مرض عضال ومدري وش قصته كانت تجنن T.T

    آآه أعدتي لي ذكرياات

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s